The Art of Success | Dr. Nezar Bahabri | TEDxAGS Youth

Transcriber: Walaa Mohammed

رب اشرح لي صدري ويسر أمري واحلل عقدة من لساني يفقهوا قولي.

اليوم راح ابدأ معاكم قصة يمكن كثير منكم مايعرفها.

يمكن في كثير من الموجودين اصلا ما يعرفوا انا مين.

فانا راح احكيلكم انا مين.

انا اسمي نزار باهبري. وهذي كانت بدايتي.

هذي عام الف وتسعمائة وتسعين.

يعني كثير منكم كان في علم الغيب.

خلاص بعضكم فهمت كيف هذي كان شكلي

هذي سنة اولى مخلص كلية

الطب دخلت كلية الطب. المفروض انا الولد الشاطر.

المفروض اني شاطر والمفروض اني اضحك والمفروض اني انجح.

والحمد لله رب العالمين.

دخلت كلية الطب واتعلمت الأدب.

انها طلعت الحكاية مليانة

جدران مليانة جدران.

والحقيقة جات وحدة ورا وحدة ورا وحدة.

وكل مرة اكتشف انه طلعت الحكاية صعبة.

انا بعيد عن امي وابوي وقاعد اسوي كل اللي اقدر عليه.

لكن الحكاية كانت الحمد لله.

من اف لاف لايف لاف من اول مرة.

انذار. اول انذار. اول انذار ثاني.

لإنذار ثالث. سنة ثالثة.

صرت في انذار مستمر. يعني خلصت الانذارات اللي اصبحت

في انذار مستمر.

في سنة ثالثة الجامعة قالوا لي.

إنت ما تقدر تكمل.

إنت رسبت بما فيه الكفاية.

إحنا استحملنا. لكن إنت رسبت مرة كثير.

فرجعت لابويا. بعد ثلاث سنوات.

وأنا المفروض أبويا وأمي مش يعرفوا يعرفوا إني أنا ناجح.

أنا ما كنت قادر اقول لاحد اني انا برسب.

فكل ما يسألني ابوي اقول له انا ايش ناجح.

قال لي يا ولدي انت ايش تسوي هنا؟

قلت له والله يا ابوي انا اموت.

انا خرجت الجامعة تقول انا اموت.

وهذي اول حاجة احب اقولها لكل واحد مهما كان عمره.

كنت انت ولد صغير بنت صغيرة او رجال كبير.

انا الى اليوم انا ما اعرف ابويا وامي الله يعطيهم العافية.

اول ما شافوا الموضوع ما قال لي انت ليش كذبت؟

ما قال لي ليش انت ما قلت ما قالت لي امي كيف ضحكت علينا.

ما عاتبوني. الحاجة الوحيدة حاولوا يوجدوا لي الحلول.

وهذا اول شي احب اقول لكم.

هو لما يجي صاحبك لما يجي ولدك.

لما تجي زوجتك لما يجي زوجك والبني ادم يكون مكسور.

لا وقت للعتاب.

الوقت فقط لايجاد الحلول.

الوقت لايش لايجاد الحلول وهم جزاهم الله خير.

قال لي ابويا انت تبغى تصير طبيب؟

قلت له ايوه.

قال لي خلاص ما يهمك.

انا راح اساعدك انك ترجع نكتب خطاب واذا ما تسهلت

انت معناها انا اقدر ارسلك باكستان تكمل دراسة الطب بس راح

اخليك طبيب انا وامك راح ندعمك الين ما تصير طبيب.

ورحنا الجامعة ورجعوني رجعوني بس نجحت.

لا فضلت انجح ورسب انجح ورسب ودكاترة يحاولو

يشجعوني الين بدا الطبيب.

المفروض اللي يدخل كلية الطب ينجح في 6 سنين.

انا من كثرة ما يضيفوني اضطريت اخذ 9 سنين

فاخذت تسعة سنين مع الامتياز عشرة.

لمن تخرجت مدير الجامعة ايش قال؟

قال واحنا جدا فرحانين بتخرج نزار.

لانه مدير الجامعة كان استاذ.

اول ما دخلت.

كان استاذ وانا في الجامعة صار مدير مستشفى.

وانا في الجامعة صار وكيل الجامعة.

في الجامعة صار مدير الجامعة. وانا في الجامعة.

الله يذكره بالخير. الدكتور يوسف الجندان.

شهد على ملكتي انا ومنال زوجتي اللي موجودة في الحضور.

بالله تحية لمنال الله يخليكم.

لاني صاحبه من زمان معروف معاه زميل الدكتور يوسف.

وجا وكيل الجامعة يحضر زواجي معاهم من زمان أنا.

فلما تخرجت قالوا لي انت في ايش تبغى تتخصص.

فهذي الدرس الثاني اللي احب اقوله انا ما جلست اتشرط يعني ايش اقول لهم.

انا ابغى اصير استشاري باطنة ما حأقدر الباطنة للشطار.

فانا دورت على الوظيفة.

قام كتب الدكتور يوسف الجندان.

كتب. ونحن أعطينا نزار باهبري وظيفة طبيب طوارئ لعدم

وجود متقدم سعودي واحد لها ما

في فيلا نعطيه للطوارئ.

فقلت أجل خلاص أنا بس بلاش أسوي طوارئ.

انا ابغى اصير دكتور عظام.

فدخلت مع واحد من الدكاترة اللي يحبوني فأدخلني معاش شهر وهو.

فلما بعد شهر كذا مسك يدي وجا

على ظهري وقال لي اسمع يانزار انت شغيل شخصيتك ممتازة.

لكن اسمع يا نزار يا ولدي الكونكشن اللي ما بين مخك وما بين يدك غير موجود.

يعني العظمة قد كذا كبرها وانت ما تقدر تضربها بعيد فانت ما

في ولا شي راح ينفع لك فانسدت الحقيقة.

بس ما اكذب عليكم.

أنا كنت ما زلت أؤمن اني انا افضل من كذا ففضلت اقدم واقدم.

وسنة بعد سنة وتزوجت منال وأحبت محمد.

وكل سنة اقول لها ان شاء الله السنة الجاية ننقبل في البعثة.

واختبر وارصد واختبر ورسب السنة الجاية في البعثة.

كبر محمد صار محمد يتكلم.

وانا السنة الجاية باذن الله انقبل في البعثة وما انقبل في البعثة.

ففضلت ادور على فرصة اني ابتعث ولا اني اسوي تخصص

15 سنة.

أنا فضلت اختبر الين ما طلعت كندا 15 سنة

وفضلت اختبر الين ما خلصت كل البوردات.

واحد وعشرين سنة من دخولي للجامعة وانا

احاول وارسم واحاول وانجح.

واحد وعشرين سنة وانا اختبر من دخولي للجامعة.

فمن كثرة ما انكسرت ومن كثرة ما حاولت.

صار سهل عليا اني اطيح.

واقوم اطيح. واقوم. بس اقدر

اقوم.

وفي الاخير فضلت احاول احاول.

لمن وصلت البعثة. قلت اجل اقول لك.

انا لازم اطور من نفسي.

لازم اسوي كورسات تغير من نقاط ضعفي.

لازم اشوف نقاط ضعفي واطورها.

وطورت. وطورت. وطورت. وفضلت احاول احاول واحاول

واطور كل نقطة ضعف واخد في كورسات وادرس في الصباح واشتغل

في الليل واشتغل مناوبات واحاول احاول احاول لين سنة رابعة.

انا صرت مرة شاطر في كندا في دافور فيوم

من الايام قالوا احنا اليوم عندنا

جائزة لأفضل طبيب موجود عندنا في السنة.

عدد الدكاترة اللي موجودين الكنديين كانوا كم؟

مئة مئة وعشرة. دكتور كندي معاي

قالوا احسن واحد هذي السنة واحد.

اول مرة اجيب من نفس دينه وبلده.

هذه الجائزة من خمسطعشر سنة ما عمره احد قبله جابها.

هذا هو نزار باهبري. وقمت.

شلت الجائزة ووقفت وقفت.

واحد وعشرين سنة بس وقفت ورجعت.

بعد البعثة أرسل مدير الجامعة للسفير يقول له ذا طلقة.

هذولا ما شافوا حق سيدي.

لكن أنا الوحيد اللي يعرف السي في هم أهلي وناسي واصحابي.

ففضلت واحد وعشرين سنة أحاول اللين بدل البورد.

أرجع بدل البورد ثلاث وبدل الثلاثة ستة.

ورجعت وأنا عندي ستة سبعة شهادات وعندي جائزة ما عمره أحد جابها.

هذا بس أنا.

اللي رسبت كم واحد وعشرين سنة.

فلما رجعت حفل التخرج رجعت وابوي وامي كلهم

يهنوني باني نجحت واني رجعت لابوي بعد كل هذي السنين.

وانا ابوي يقول الحمد لله يا ولدي انت وامي يقولوا اننا

شفناك.

ارفع صوتي مع الف مبروك يا نزار انت وجميع زميلاتك الخريجين.

وهذي نتيجة اجتهادكم وتوفيق من الله.

وحرصكم منكم عليكم ووفقكم الله في حياتكم المقبلة.

ولا تنسوا كل من قدم لكم الخدمات سواء من اهلكم او حكومتكم.

والف الف مبروك للكل والجميع.

تحياتي. الرسالة اليومية.

يا ربي لك الحمد ان شاء الله.

يا ربي لك الحمد. انا يعني فرحتي هذه الايام ما توصف انو ربي يبلغني يشوف نزار

قبل ما اموت ولا اي شي شفتو انا خلاص اتخرج وهذا

شيء كنا نستناه مره من زمان.

ولكن الحمد لله اللي ربي يبلغنا هو دايما نشوفه بالسلامة.

ونشوفه يشتغل ويخدم الناس ويخدم بلده.

وان شاء الله ربي يجازيه خير لكل فاعل خير يعمله.

وان شاء الله رح نحكي وانا اتمنى اني اشوفه احسن الناس ويخدم كل الناس الضعيف

قبل الغد ان شاء الله باذن الله.

وعلشان كذا ابويا لما رجعت قال لي يا نزار يا ولدي

بعد واحد وعشرين سنة انت على الاقل شلت الثوب الاسود.

حق ايش. حق انك دكتور فاشل.

انت الان الدكتور نزار باهبري.

انت الدكتور نزار باهبري اللي كل مكان ممكن يعرفه.

انت الدكتور نزار باهبري اللي ممكن يوصل ل 60 مليون بني ادم.

انت الدكتور نزار باهبري الذي عندك اكثر من مليون متابع.

انت الدكتور نزار باهبري اللي انت المفروض انك صرت رئيس للتعليم

وصرت رئيس للأطباء. واليوم أنا ارأس

المدير التنفيذي لثمانية مستشفيات اكثر

من 8000 موظف هو اللي حاول 21 سنة.

هو هذاك حق الاف بس اللي فضل يحاول.

ولو كنت تبغوني احد يعلمكم يعني ايش نجاح.

تعالوا اقول لكم الخمسة الأساسية رقم واحد.

ثلاثة بيز.

بيز.

أول وحدة صبر.

الصبر. الصبر. الصبر.

لابد انك تصبر عشان اذا تبي تنجح لابد انك تصبر.

لابد انك تصبر على الكف.

ولا بد انك تصبر على الهزيمة.

ولابد تصبر على الاصابة.

ولابد انك تصبر على كل شيء.

لابد من انك تصبر.

الثانية.

تحاول تحاول. ولازم لمن تحاول لازم تقول انا طريقتي

ما هي صح لازم اقدر اسويها صح.

والثالثة.

دايم أنا حتى وأنا كنت أخذ إف كنت أحضر الساعة ثمانية على قول الدكتور.

يا ولدي احنا ما إحنا دارين إنت تحضر إيش تسوي؟

بس؟

أون تايم.

أنا دائما في الوقت اللي يتأخر عن الوقت ما عمره ينجح.

الصبر في حاجة جدا مهمة.

فيه ناس كثير لمن تصبر تصبر.

هي كذا جالسة لمن تجي لها الهزيمة ولا يجيلها الفشل كذا تظل صابرة محتسبة.

لكن الصبر ما يحتاج انك انت تحتسب.

الصبر إنك تحتاج انك تحتسب وتغير من نفسك.

لازم تطور من نفسك. اذا انت فشلت في زواجك لازم تحاول تحسن الزواج.

ترى ما هي الطريقة المختلفة؟

إذا انت فشلت في وظيفتك لازم تحسن من وظيفتك.

إذا انت فشلت في عملك لازم تحاول تحسن من عملك

لكن ما تفضل بنفس الطريقة وتبغى نتيجة ثانية ما ينفع.

انا اخذت 19 كورس عشان اقدر واقف قدامكم.

أنا لازم كنت اطور من نفسي انا عشان انا اقدر انجح.

عشان هذا يجي. عشان هذا الثوب ينشال لازم تغير من نفسك.

وعلشان كذا انا انصح بيكم كلكم.

لازم تقروا هذه الكتابين واللي ما يقراها يسمعها لان هذي فيها تغيير على الفكر.

وانا اؤمن ان اي واحد كبير كان او صغير لابد

عليه ان يقرا هذي الكتابين.

لان هذي الكتابين تعلمك اشياء مرة كثير.

كيف تطور من فكرك. لان تغيير الفكر مرة مهم.

رقم اثنين.

يجب أن تعرف أن الحياة لازم تنزلك فوق تطلع تحت تنهزم.

تعتقد انه يعني دحين انه مرة ناجح كل يوم انجح.

لا انا بالعكس نجاحي حاجة وحدة.

اني انا احسن واحد ياكل كف يطيح ويوقف.

أنا عادي متوقع أن الحياة حقتي تنزل وتطلع.

بس انا مستعد اني كل مرة اشوف ايش الغلط اللي مني احسن عشان اوقف.

بس ما اجلس كذا.

بس لازم تعرفوا انكم انتو صغار وانتو كبار.

لازم الحياة تنزل تحت تطلع فوق تنزل تحت تطلع فوق.

الشطارة انك انت تكون مستعد مع المتغيرات انك تتطور.

ما في شي احد تخليه يقول لك انت

كل الناس اللي يقولوا لك هم حقيقة

ذي كانت مو كانت ذي كانت.

لكن انا اي كان انا بس انا عارف انه مو

ح انجح في كل شي. بس يبغى لي ادور كيف أطور من قدراتي عشان انجح

في الشي اللي انا ابغاه كان رقم.

ثلاثة.

رقم. ثلاثة.

سوري.

رقم. ثلاثة.

أنا كنت حاطط لكم صورة للإمام المعيقلي للإمام المعيقلي.

يقرأ في اليوتيوب.

يقرأ قرءان. فين؟

في الحرم.

عندكم على الفيديو. حقه ديسلايك.

32 ألف ديسلايك.

هو إمام في الحرم بيقرأ قرأن.

يقولوا له ديسلايك. فالناس يتكلموا عليك لأنهم يتكلموا على الإمام حق الحرم.

صوته مو حلو. دخل بالواسطة. ليش سوو له كذا؟

شوف الكومنتات.

فبالتالي لمن تجي تشتغل لازم تعرف أن الناس سيتكلمون عليك.

أنا دايما ايش اقول لاهلي.

اقول لهم انا كل يوم لمن انزل فيديو الناس يتكلموا علي اتكلم

على المقرئ حق القران جات علي.

لكن انت لمن تحط الصورة لازم تنتبه ان عدد المشاهدات كانت مئة مليون.

عدد الديسلايك 32 ألف.

عدد اللايك مئتين ألف في حياتك.

الناس راح تتكلم عليك وهو مخك.

إما انك تطالع لكمية النجاحات حقتك والناس اللي بيشوفوك زي ما قال

احمد الكثيري مليار. أو انك تشوف عدد الثبات

اذا كنت بتفشل تقوم تطالع للثبات.

اذا انت كنت بتفشل تطالع لعدد الاشياء اللي ما نجحت فيها.

لكن لو انت كنت بتنجح دايما اللي يطالع الاشياء اللي انت كويس

فيها فانت تشوف انه ما شاء الله للساعة كنت بتاكل وتشرب للساعة تمشي

على رجولك للساعة قاعد تسوي الاشياء دايما طالع الاشياء الايجابية حقتك.

انا اللي خلاني اعيش كل يوم اطالع اقول والله عندي اشياء مرة كثير كويسة.

جاك واحد كف.

بس في اشياء ما فيها كفوف.

تستحمل انه الناس لازم يتكلموا عليك.

وفيه ناس يتكلموا عليك عشان يحبوك.

يعني يجوا من اهلك يقوموا يقولوا لك والله ما اظن.

او اصحابك انت تقول ابغى اصير دكتور.

انت دكتور انت والله ما تنفع.

انا كانوا يقولوا لي ما ينفع دكتور عشان اخاف من الافلام المرعبة.

ايش دخل الافلام المرعبة؟

كان يقولون لي انت ما تحب الدم ليه جزار انا جزار يعني كل يوم

كذا افتحه ايش فهم يقولوا لك او يجي اب

من الاباء كذا ما ينتبهوا وهم يقولون يقول وهذا ولدي حق الدراسة.

يعني هو قصده انه يعني يلعب كثير بس

من كثرة ما يقولون له ما أنت حق الدراسة يقول يصدق أنه حق الدراسة.

الناس أحيانا يقولون لك أشياء لا تخلي كل الناس اللي يقولوا لك

هي رقم أربعة ومرة مهم العيلة.

طبعا أنتم كثير منكم اللي ما يعرفني.

شايفين هذا أنا قبل ما أفقد 32. ستة وستين كيلو.

ستة وستين كيلو فقدتها كيف؟

عشان لمن دخلت في الكورونا مين أكثر من دعمني؟

كل البشر دعموني. فلازم يكون معاك حواليك بشر كثير.

يدعموك اصحابك واهلك. وانا اهلي كثير دعموني.

لأنه شوف أنا أتمرن بالأكسجين.

أنا واحد وخمسين سنة في حياتي.

أنا ما دربت ما دربت.

أنا الان قاعد أتدرب بالأكسجين.

فلازم كانوا ناس كثيرين يدعموني عشان أنا افقد الوزن.

ولما فقدت الوزن لما كنت كذا قالوا يطلع في اليوتيوب.

الدب ذا هلكنا ما يشوف شكله.

لما قالوا شكله مرضان أول كان أحسن أرجع أدخن ولا ماني فاهم تبغوني كذا ولا

فهم الناس ما راح يسيبوك.

لكن أهلك. شوف انا قد ايش فقدت وزن.

بس أنا دايما ايش أقول.

أهلي من الناس الذين ساعدوني وكانوا معاي طوال الوقت عشان انا اقدر أنحف.

فإذا كنت تبغى تنجح انت تحتاج اهلك وتحتاج أصحابك.

وتحتاج كل الناس اللي يحبوك انهم يدعموا بعض.

فإذا كان عندك صاحب او كان عندك اخ او كان عندك.

لا تكون انت اول من يحبط البني ادم اللي انت تحبه.

هذي بنتي ريم وهي تنزل معاي الغطس.

طبعا هو مو بس كذا يعني كذا كذا زي مسبح صغير كذا.

ونزلنا احنا صورنا غطسنا في بحر كذا مرة صغير يعني اوقف اخرج منه بس كان أول مرة

في حياتي. فكانوا كل بناتي يدعموني.

وهذه.

وهذه صورة لفيديو وانا اتمرن على الدراجة.

كان طوال الوقت في التمرين أطفش لأني ما أحب الرياضة.

فكانت مين اللي يوقف بجانبي دائما ووقف بجانبي بنتي اللي هي موجودة

هنا دحين فصدرها تفضل تحكيني حكاية أي حكاية زي كأنو

الأب بيحكي أولاده وفضلت تحكيني حكاية تحكي لي حكاية ليش ما اقدر اكمل التمرين؟

اربعة وعشرين دقيقة وأنا علشان أبغى أوريها.

شوفي يا سدرة شوفي ابوكي صار يقدر يسوي.

علشان أهلي ساعدوني. فالذي يريد أن ينجح يحتاج دائما أهله يكونوا بجنبه يساعدوه.

فلازم تكون انت مع أهلك.

لكن أنا راح ابلغكم أهم حاجة. وأقوى حاجة.

لازم تعرفوا ان الرسول صلى الله عليه وسلم هو إمام الناجحين.

كم سنة تعب الرسول صلى الله عليه وسلم قبل ما ينجح؟

ثلاثة عشر سنة قبل ما يروح المدينة كان

من باب اولى هو هو رسول الله صلى الله عليه وسلم.

شهر شهرين.

13 سنة.

13 سنة. من التعب عليه الصلاة والسلام عشان يخلي مننا الحمد

لله ناس يقولوا اشهد ان لا اله الا الله وان محمدا رسول الله عليه الصلاة والسلام.

ولو كان احد يقدر ينجح لحاله لكان الرسول صلى الله عليه وسلم اولى.

فانت ما تقدر تنجح بدون اصحاب.

فخلي دايما حوالينك اصحاب يكونوا شطار عشان يقدروا يدعموك.

لا نجاح بدون اصحاب. بس لازم تختار الاصحاب الصح اللي يكونوا هم ناجحين.

اللي ينجحوا مو اللي يتكلموا عنك ولا اللي يحبطوك.

هذولا لازم تسوي لهم بلوك.

وبعد كذا من اهم الاشياء اهم حاجة عشان تنجح وهو اخر شي

في الخمسة هو الله.

الله سبحانه وتعالى. لازم اي احد فيكم يصلح علاقته

مع الله. وانا ما تحسنت حياتي غير لما صلحت.

حاولت اصلح وانا كل يوم عندي مشاكل لكن الله سبحانه وتعالى يسمع لك.

فانت خليك حسن الظن بالله.

انا دايما اقول تخيلوا هذي على سانفورد يونيفيرسيتي هذا اللي موجود.

تخيلوا هذولا هذي يقولون لك من.

جد.

فلو كانوا هم يكتبوا كذا فاحنا من باب اولى تعرف انه

معك الله والله يقول انا عند ظن عبدي بي.

ومن حسن مؤمن سوء. انا عند ظن عبدي

بي فليظن بي ما يشاء.

انا قدرت انجح عشاني. احسنت الظن بالله.

وكل يوم انا باذن الله احسن الظن في الله

لأنني أعرف أن الله أحسن من كل الناس اللي حوليه،

والله يسمعني ويقدر يسويلي كل شيء علشان هو الله.

فإذا كنت تبغي حاجة وتشوفوها كبيرة لازم تعرفوا ما هي أكبر من الله.

لانه انا وريتكم. ايوا صحيح واحد وعشرين سنة وانا احاول ومازلت

احاول. ولما وقف التنفس حقي ما زلت نزلت وزني ومازلت احاول وكل يوم اطيح.

مازلت احاول وبكرة اكل

على راسي وارجع احاول علشان انا اعرف انه ايش انا معاي

الله واللي معاه الله ما يخيب.

انا دايما اقول هذي صورة ابوي الله يغفر له.

يرحم اخر صورة له قبل ما يتوفى.

والله يغفر له ويرحمه.

قالوا له وهو معنى تخرجت بعد التعب هذاك.

قالوا له يا محمد انت ما عندك اي حاجة

تتاجر بها تبيع وتشتري.

قال لهم انا عندي اربع عماير العمارة الاولى.

ولدي دكتور ان عالج الناس

وقالوا له جزاك الله خير أجرهم يجي

في قبري وان علم الناس

وقالوا له جزاك الله خير أجرهم يجي في قبري وهو الان

في قبري في قبره. الله يغفر له ويرحمه.

وانا أسأل الله العظيم رب العرش العظيم انه اذا أي احد فيكم استفاد اليوم بس اطلب

منه يقول جزاك الله خير.

لأنه هو يبغاها وهو في قبره وهو الان في قبره هو وامي جزاهم الله كل خير.

جزى الله عيلتي كل خير.

جزى الله اساتذتي كل خير.

جزى الله اصحابي كل خير.

جزى الله الناس اللي دعموني كل خير.

جزاهم الله كل خير. عشان انا ابيهم قادر اوقف قدامكم

بعد واحد وعشرين سنة وأنا أحاول

لكن الحمد لله اقدر انجح وافتكروا النجاح لازم تروح له النجاح.

ما يجيك النجاح. يبغى لك تحاول وما تنجح وتحاول وما تنجح

وتغير الطريقة. وما تنجح.

وتحاول مرة ثانية وتغير الطريقة وما تنجح.

اللي ما تلاقي الطريقة اللي تخليك تنجح علشان كل واحد وواحدة فيكم في المسرح

من حقه انه كل يوم ينجح.

على شرط حاجة واحدة فقط.

انك تقول انا اقدر ومعاي الله ومن معها.

الله ما خاب. سبحانك اللهم وبحمدك اشهد ان لا اله الا انت استغفرك وأتوب إليك.