Vërshime nga reshjet e shiut në Kosovë, probleme në disa qytete, autoritetet në gatishmëri të plotë

Instituti Hidrometeorologjik i Kosovës

ka bërë të ditur se reshjet e ditëve të

fundit kanë shkaktuar vërshime në disa

zona të vendit, kryesisht në pjesën

perëndimore. Sipas institutit, shirat e

pandërprerë kanë bërë që Lumej dhe

përrenj të dalin nga shtretërit e tyre.

Më problematike situata paraqitet në

Gjakovë, Junik, Deçan, Malishev, Rahovec

dhe Klin. Instituti paralajmëron se

reshjet do të vazhdojnë edhe në ditët në

vijim, çka mund të sjellë vershime

lokale, probleme në komunikacion dhe

vështirësi në trafik. Ndërkohë nivele të

lehta të rritjes së ujit janë shënuar

edhe në lumet kryesor të vendit.

Kompania rajonale e ujësjellësit në

Mitrovicë ka ndërprerë përkohësisht

furnizimin me ujë. Shkak është bërë

rritja e turbullirës në kanalin e

Iberlepencit. Nga terreni, banorët dhe

mediat lokale kanë publikuar pamje që

tregojnë përmbytje në disa qytete. Në

Skënderaj kryetari i komunës njoftoi se

ekipet e emergjencës janë angazhuar që

nga mesnata. Ai tha se reshjet kanë

shkaktuar vështirësi për disa familje në

zonat e përmbytura. Edhe në Malishevë

autoritetet u kanë bërë thirrje

qytetarëve të shmangin lëvizjet e

panevojshme. Vërshimet në Kosovë janë

shtuar shpesh vitet e fundit dhe

shkaktojnë kryesisht dëme materiale.